No er nærmar det seg 17-mai, og i tillegg har sesongen for konfirmasjonar byrja. Viss ikkje du ønskjer å gå med bunad, kan ein fin sumarkjole vere eit godt alternativ. Eg for min del er glad i litt fargar på denne tida av året, og synes denne kjolen eg har på bileta er perfekt til konfirmasjonar o.l. Den har ein nydeleg raudfarge, og eit flott snitt! Kjolen fann eg i utkledningskassen heime, og fekk hjelp av mi gode bestemor til å leggje den litt opp, reparere nokre hull, og fjerne nokre flekkar.
Sidan eg er gravid, og ikkje kan gå med denne kjolen i år, visar eg nokre bilete som er frå 2010. Sjølv om eg har brukt denne kjolen dei siste par åra, så får eg fortsatt ein god vårstemning av å ta den fram på nytt, og kunne gjerne ha brukt den i år og hadde fasongen tillatt det.
(Det eine bilete er forresten meg saman med mi flotte tante, som berre er 4 år eldre enn meg..)
